信自己球壇再闖高峰 畢業生顏卓彬永不言敗之路(蘋果日報網)
日期: 26/07/2018
「足球，係一個機會。我覺得只需要相信自己，忠於自己，做好自己嘅本份，即使失敗咗都好，個機會都係會嚟。」前傑志中場、現於美國讀書的顏卓彬，從來沒有放棄成為職業足球員；他，等待一個機會，相信機會總有一天再臨。
今年20歲的顏卓彬，從小便喜歡熱鬧，喜歡球場上十幾二十人奔跑的熱鬧。小時候跟爸爸落球場友踢波，與足球結下不解緣。「細個爸爸會同朋友踢波，我都會跟埋去一齊踢，從此培養咗每星期都會去球場玩。」自小愛上足球，很自然想成為職業足球員，阿彬慶幸有爸爸的鼓勵與扶持：「其實爸爸冇話一定要我做職業球員，佢淨係叫我放膽去試，放膽去做自己想做嘅事，同埋鼓勵我每一次試腳嘅機會。」
阿彬其後終於成為傑志職業足球員，不過初期跟不上球隊節奏，又甚少上陣機會。「算係我足球生涯最大嘅挫折，加盟第一年練咗幾個月，都唔係好跟到球隊節奏，隊內又多高質外援。」即使阿彬遇到挫折，可幸仍積極面對：「嗰陣唔開心都有搵隊友傾偈，佢哋叫我只需要裝備好你自己，你要信自己可以做到呢件事，個機會都係會嚟。」到去年，阿彬放棄在傑志繼續踢職業足球，遠赴美國一邊讀書一邊踢足球，他相信只要在那裏有好表現，外國球會教練是看得到他有實力的。
藉着今次放假，阿彬回港參與7月初的《BELIEVE-Nike Football 3V3 香港盃》，並帶領「重味ok姐」奪得男子組冠軍，而決賽取得入球的阿彬則當選MVP。這個「最有價值球員」獎項對阿彬而言，意義相當重大。「我差唔多一年冇喺香港踢過比賽，透過呢個比賽，透過呢個獎項，再話畀其他職業隊嘅教練聽，我仲可以喺呢個球圈度踢嘅！」其後「重味ok姐」代表香港參戰上海舉行的 《Nike暗煞出獵足球賽》，可惜8強不敵北京隊止步，賽後阿彬說：「其實就算輸咗都好，我哋都冇話氣餒嘅，都會相信我哋接下來嘅挑戰會比呢一個比賽更加大更加難，但係都會相信我哋做得到！」
資料來源：(蘋果日報網)
